TUNU PILLUGU

Tunu

Kalaallit Nunaata kangia nunarsuarmi avanngarusimasuni inissisimavoq. Sineriak 20.000 kilometerimi isorartutigaaq kisianni illoqarfiit marluk taavalu tallimat nunaqarfiit naapitassaapput katillugit 3500 innuttaqarlutik. Nunat killeqarfiit tassaapput Ammassalik aamma Ittoqqortoormit 900 kilometerimi ungasissutilimmik inissisimapput tamatumuunalu silaannaa assigiinngilluinnarlutik.

Ammassalik

Ammassalik Kalaallit Nunaata sermersuanut qanittunnguuvoq ''illoqarfik pingaarnertutut'' inissisimalluni. Ammassalik amerlasuuni misigisassarfiuvoq assigiinngerpaalunni - kisinnguavit eqqissisimaarfigisinnaavat imaluunniit sakkortunerulaat pissanganartut misigisassarfiusinnaavat pinngortitami assigineqanngitsumi nunamilu kusanartuinnartumi.

Ittoqqortoormiit

Ittoqqortoormiit suna tamaat pigaat; nunarsuarmi kangerlu annersaat, nunami eqqissisitami nunarsuarmi annersaat, uunartuni kissarnersaat aamma Milne Land qeqertaq Ittoqqortoormiini annersaat.

Avanngarusimanera aamma tikiuminaannera pissutigalugit nunarsuarmi inoqqaaviini kingulliullutik taaneqakkajupput aammami taamaappoq kisiannili ukiut hundredillit allanngornera malunnarluinnarpoq ullumikkullu nunarsuarmioqataanerput malunnarluinnarluni, soorunamilu pinngortitaq sulimut naalagaallugu.

Tikikkiuminaannera inoqarpiannginneralu peqquteqavissumik aallaaveqarpoq, tassami ukiumut umiarsuit pajuttaatit arfinileriaannaq tikittarput sikorsuit sikusarneralu peqqutigalugit.

Assilissatut katitigatut qaqqarsuit ilusillit, tatsit kiseriaannaanngitsut, kuut, qorlortut; sermersuit aajuitsut kusanartuinnartut aamma qooqqut qorsooqqissut. Tunu minguitsoq ukiorpassuarni inunniit tikinneqaraangat alutorsartijuarpoq.

Denne hjemmeside anvender cookies til at sikre, at du får den bedste oplevelse på siden. Læs mere her

Ok